Старшыня Гродзенскага раённага Савета дэпутатаў - Ігар Уладзіміравіч ЛЯБЕЦКІ

Тэл: (8-0152) 738-907, тэл./факс (8-0152) 738-964

Электронная пошта: rsd@grodnorik.gov.by

Прыём грамадзян: трэцяя серада месяца з 8.00 да 14.00 (г. Гродна, вул. Горкага, 51)

першая серада месяца з 10.00 да 12.00 (аг.Парэчча, Парэчскі сельвыканкам)

Старшыня Савета:

ажыццяўляе агульнае кіраўніцтва Саветам;

склікае сесіі Савета, арганізоўвае працу па падрыхтоўцы сесій Савета, пасяджэнняў яго прэзідыума;

вядзе сесіі Савета, ажыццяўляе іншыя паўнамоцтвы ў ходзе правядзення сесіі Савета;

прадстаўляе на разгляд Савета дэпутатаў праект парадку дня сесіі Савета;

узначальвае прэзідыум Савета;

падпісвае рашэнні Савета і яго прэзідыума;

прадстаўляе Савет ва ўзаемаадносінах з іншымі дзяржаўнымі органамі, органамі тэрытарыяльнага грамадскага самакіравання, арганізацыямі і грамадзянамі;

прадстаўляе для абрання на сесіі Савета з ліку дэпутатаў кандыдатуру на пасаду намесніка старшыні Савета;

забяспечвае кантроль за выкананнем рашэнняў, прынятых Саветам і яго органамі;

дакладвае Савету аб стане спраў на тэрыторыі раёна, прадстаўляе сесіі Савета па меры неабходнасці, але не радзей аднаго разу ў год справаздачу аб сваёй дзейнасці;

аказвае садзейнічанне дэпутатам Савета ў ажыццяўленні імі сваіх паўнамоцтваў і забяспечвае іх неабходнай інфармацыяй;

каардынуе дзейнасць пастаянных і часовых камісій, уносіць на разгляд Савета прапановы аб стварэнні пастаянных камісій;

разглядае пытанні аб узнагароджаннях Ганаровай граматай Савета, Граматай Савета, Падзячным лістом старшыні Савета працоўных калектываў і грамадзян у адпаведнасці з Палажэннямі аб Ганаровай грамаце Савета, Грамаце Савета, Падзячным лісце старшыні Савета

уносіць на разгляд Савета прапановы аб адмене рашэнняў выканаўчага камітэта, якія не адпавядаюць заканадаўству;

забяспечвае разгляд зваротаў грамадзян, адрасаваных Савету;

ажыццяўляе прыём і звальненне работнікаў апарата Савета;

кіруе апаратам Савета;

выдае ў межах сваёй кампетэнцыі распараджэнні;

вырашае іншыя пытанні ў адпаведнасці з заканадаўствам і рашэннямі Савета.

Старшыня Савета не можа займаць іншыя дзяржаўныя пасады, за выключэннем выпадкаў, прадугледжаных заканадаўчымі актамі Рэспублікі Беларусь, а таксама займацца ў працоўны час іншай аплатнай работай (дзейнасцю), акрамя выкладчыцкай, навуковай, культурнай, творчай дзейнасці, медыцынскай практыкі, якая ажыццяўляецца ў парадку і на ўмовах, устаноўленых заканадаўствам Рэспублікі Беларусь.